«Айчына» Ўладзімера Арлова б’е рэкорды папулярнасьці

«Айчына» Ўладзімера Арлова б’е рэкорды папулярнасьці


Першы тыраж у 3 тысячы экзэмпляраў разышоўся вельмі хутка.

Кніга Ўладзімера Арлова «Айчына. Маляўнічая гісторыя ад Рагнеды да Касьцюшкі» гэта ў апошнім часе сапраўдны гіт на беларускім выдавецкім рынку.

Першы тыраж у 3 тысячы экзэмпляраў разышоўся вельмі хутка. Цяпер прадаецца ўжо другі тыраж, а зацікаўленьне кнігай не зьмяншаецца.

Прэзэнтацыя кнігі адбылася таксама падчас VІІ Зьезду Беларусаў Сьвету, які мінулымі выходнымі праходзіў у Менску. А гэта значыць, што «Айчына» трапіць у беларускія асяродзьдзі ў розных краінах.

Кніга, што нямала важна, выйшла ў юбілей 500-годзьдзя беларускага кнігадрукаваньня. Аднак Уладзімер Арлоў лічыць, што посьпех кнігі пакуль нельга назваць рэнэсансам зацікаўленьня беларускай гісторыяй.

Яраслаў Іванюк

Слухайце далучаны гукавы файл.

Крыніца: Беларуская служба Польскага радыё