Чым для беларусаў з’яўляецца патрыятызм?

Чым для беларусаў з’яўляецца патрыятызм?


Беларусь самастойная, незалежная краіна ўжо 27 гадоў, з якіх 24 гады з нязменным кіраўніком. За гэтыя гады разбураная эканоміка і амаль знішчаныя сацыяльныя стандарты.

Як усё гэта паўплывала на свядомасць людзей, дзеляцца жыхары Бярозы:

– Справа ў тым, што калі пра патрыятызм пачынае казаць дзяржава, значыць ведай, што цябе недзе павінны падмануць. Калі казаць пра патрыятызм у адносінах да Радзімы, то напэўна ў кожнага з малаком маці ўпітваецца любоў да свайго двара, школы, першых сяброў, горада ці вёскі, дзе ты нарадзіўся. – Я люблю сваю Радзіму – сваю Беларусь. – Патрыятызм – гэта не толькі любоў да сваёй Радзімы, трэба ўмець яшчэ і абараняць яе, абараняць свабоды, якія павінны быць гарантаваны. – Для мяне важна, каб Беларусь захавала сваю незалежнасць.

Паводле іншых апытаных, слова “патрыятызм” яны разумеюць, як любоў да Радзімы. А вось на подзвігі дзеля яе жадаючых няшмат, большасць пазіцыянуе сябе абывацелямі.

Беларускае Радыё Рацыя

Крыніца: Беларускае Радыё Рацыя