У Менску завіравала кніжная выстава-кірмаш

У Менску завіравала кніжная выстава-кірмаш


У сталіцы распачалася штогадовая XXVI Менская міжнародная кніжная выстава-кірмаш, якую апошнія гады праводзяць у лютым.

Гаворыць прыватны выдавец Андрэй Янушкевіч:

– Калі ў заходніх краінах выставы маюць перадусім камерцыйны характар, а ўжо потым прадстаўнічы. Там валадараць кнігі, выдаўцы і аўтары, то ў нашай выставы застаўся гэты падыход, калі мы лічым прадстаўніцтвы іншых краін, ставім у гэтай плашчыні рэкорды. А мяне кожны год засмучае, што цікавыя, буйныя, крэатыўныя выдавецтвы з суседніх краін да нас не даязджаюць сваімі асобнымі стэндамі.

Сёлета ў міжнароднай кніжнай выставе бяруць удзел прадстаўнікі трыццаці пяці краін свету. Беларусь прадстаўленая, як дзяржаўнымі, так і прыватнымі выдавецтвамі.

Максім Каўняровіч, Беларускае Радыё Рацыя, Менск

Фота аўтара

Крыніца: Беларускае Радыё Рацыя